Մոլդովայի նախագահը Ռուսաստանին կոչ է արել զորքերը դուրս բերել Մերձդնեստրից
Մոլդովայի նախագահ Մայա Սանդուն ասել է, որ Ռուսաստանը նշանակալի դեր ունի Մերձդնեստրի հակամարտության հետ կապված ամեն ինչում՝ սկսած դրա սկզբից, ուստի Քիշնևը շարունակում է պնդել, որ ռուս զինվորականները դուրս բերվեն Մոլդովայի տարածքից։ Այս մասին գրում է РИА Новости-ն:
Եվրախորհրդի խորհրդարանական վեհաժողովը երեքշաբթի երեկոյան ընդունել է Ուկրաինայում Ռուսաստանի Դաշնության գործողությունների վերաբերյալ փաստաթղթում փոփոխություն, ըստ որի՝ նա ընդունում է Մերձդնեստրը որպես «ռուսական օկուպացիայի գոտի»։
Մոլդովայի խորհրդարանի փոխխոսնակ Վլադ Բատրինչան ճեպազրույցում ասել է, որ այս կերպ ԵԽԽՎ-ն փորձում է Մոլդովային ներքաշել Ուկրաինայի հակամարտության մեջ։
Չճանաչված Պրիդնեստրովյան Մոլդովական հանրապետության արտաքին գործերի նախարարությունը Ռուսաստանի կողմից «օկուպացված» Մերձդնեստրի մասին ԵԽԽՎ-ի ձևակերպումն անվանել է ապակառուցողական և հակասող Տիրասպոլի և Քիշնևի միջև հարաբերությունների խաղաղ քաղաքական կարգավորման սկզբունքներին։
