Պուտինն ու Շառլ Միշելը հեռախոսազրույց են ունեցել

Ռուսաստանի նախագահ Վլադիմիր Պուտինը հեռախոսազրույց է ունեցել Եվրախորհրդի նախագահ Շառլ Միշելի հետ, տեղեկությունը հայտնում է ՌԻԱ Նովոստին։
 

Պուտինը և Եվրախորհրդի նախագահը քննարկել են Դոնբասի պաշտպանությանն ուղղված հատուկ գործողության, ինչպես նաև հումանիտար ասպեկտների շուրջ ստեղծված իրադրությունը։
 

ՌԴ նախագահը Միշելի ուշադրությունը հրավիրել է այն հանգամանքի վրա, որ ԵՄ-ի ղեկավարությունն անտեսել է ուկրաինացի զինվորականների երեկվա հանցագործ ակցիան` Դոնեցկի հրետակոծությունը։
 

Պուտինը ԵՄ նախագահին է ներկայացրել պայմանավորվածությունների մշակման շուրջ ռուս–ուկրաինական բանակցությունների սկզբունքային գնահատականները։ Բացի այդ, ասվել է նաև, որ Կիևը լուրջ տրամադրվածություն չի դրսևորում խնդրի փոխընդունելի հանգուցալուծման որոնման առնչությամբ։