Պեսկովը հրաժարվել է կանխատեսումներ անելուց

Կրեմլը դեռևս ձեռնպահ կմնա Ռուսաստանի և Ուկրաինայի միջև խաղաղության համաձայնագրի կնքման հեռանկարների վերաբերյալ կանխատեսումներ անել։ Այս մասին, ՌԻԱ Նովոստիի փոխանցմամբ,  լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։ 

«Մենք առայժմ չենք ուզում կանխատեսումներ անել։ Կսպասենք, մինչև կլինեն շոշափելի արդյունքներ, որոնց մասին հնարավոր կլինի տեղեկացնել առաջին հերթին երկու երկրների հանրությանը»։ 

Ավելի վաղ Ուկրաինայի նախագահ Վլադիմիր Զելինսկու գրասենյակի ղեկավարի խորհրդականը հայտարարել էր, թե խաղաղության համաձայնագիրը երկու երկրների միջև հնարավոր կլինի ձեռք բերել  մեկ-երկու շաբաթվա ընթացքում՝ ամենաուշը մայիսին։  

Մեկնաբանելով նրա հայտարարությունը, Պեսկովն ասել է, որ այս պահի դրությամբ, ըստ ամենայնի, դա նրա կանխատեսումներն են։   
 
Կրեմլի ներկայացուցիչն ընդգծել է, որ ռուսական կողմը կանխատեսումների առումով, չէր ցանկանա շտապել։