«Եթե մեկդ լսել է, բերեք, ցույց տվեք, խնդրեմ, 1000 դոլար կտամ». Արա Աբրահամյանը` ռուսաստանի հայերի միությունը վերացնելու մասին

Ես ուզում եմ միասնականություն, ուրիշ ոչ մի բան, իրենք իմ թշնամին չեն՝ ո՛չ Զարեհ Սինանյանը և ո՛չ էլ որևիցէ մեկը։ Այս մասին հրավիրված մամուլի ասուլիսի ժամանակ ասաց Ռուսաստանի հայերի միության նախագահ Արա Աբրահամյանը։ 

«Իրենց պահվածքը մեր նկատմամբ այսօր թշնամական է, իրենք հասկանո՞ւմ են, թե այն կառույցը, որը ուզում են վերացնել, ինչ է իրենից։ Դուք լսե՞լ եք, որ Փաշինյանը Ռուսաստանի հայերի միություն անունը օգտագործի, եթե մեկդ լսել է, բերեք, ցույց տվեք, խնդրեմ, 1000 դոլար կտամ ամեն օր, առաջիկա 10 օրում։ Ասե՞մ՝ Ալիևը և Էրդողանը քանի անգամ են ասել։ Այսօր բոլորը ուզում են Ռուսաստանի հայերի միությունը փակել, մեզ մենակ թողեցին, ինչպես մենակ են թողել Արցախը»,– ասաց Արա Աբրահամյանը։