Ռուսաստանը վաղվանից կարող է արգելել ցորենի, տարեկանի, գարու և եգիպտացորենի արտահանումը
Ռուսաստանը մարտի 15-ից հունիսի 30-ը կարող է արգելել ցորենի և մեսլինի, տարեկանի, գարու և եգիպտացորենի արտահանումը։
Ինչպես «Ինտերֆաքս»-ին հայտնել են Գյուղատնտեսության նախարարության մամուլի ծառայությունից, գերատեսչությունը արդյունաբերության և առևտրի նախարարության հետ միասին պատրաստել է կառավարության համապատասխան որոշման նախագիծ՝ Ռուսաստանի Դաշնությունից հացահատիկային հիմնական մշակաբույսերի արտահանման ժամանակավոր արգելքի մասին։
Ինչպես հաղորդվում է, 2021 թվականի հուլիսի 1-ից մինչև 2022 թվականի մարտի 10-ը Ռուսաստանի Դաշնությունը արտահանել է 28,1 մլն տոննա հացահատիկ, ինչը 30,3%-ով պակաս է մեկ տարի առաջվա ցուցանիշից (առանց ԵԱՏՄ երկրներ հունվար-մարտի արտահանման):
Մասնավորապես, ցորենի արտահանումը կրճատվել է 30,9%-ով, մինչև 23 մլն տոննա, գարու՝ 34,7%-ով, մինչև 2,9 մլն տոննա, եգիպտացորենը՝ 21,7%-ով, մինչև 1,8 մլն տոննա։
