Կոպիրկինը խոսել է Արցախում տեղի ունեցող դեպքերի մասին

Բոլոր նախադրյալները կան Լեռնային Ղարաբաղում լուրջ էսկալացիան կանխելու համար։ 

Այս մասին «Ժողովուրդ» թերթի հետ զրույցում այսօր ասել է ՀՀ-ում ՌԴ դեսպան Սերգեյ Կոպիրկինը։ 

«Բոլոր հնարավորությունները կան խնդիրները լուծելու խաղաղ, երկխոսության ճանապարհով։ Ռուսաստանը դրա համար կանի ամեն ինչ։ Ռուսական կողմն ուշադրությամբ հետևում է իրավիճակին և կաջակցի, որ սկսված կարգավորման գործընթացները շարունակվեն», - ասել է նա։ 

Նշենք, որ վերջին օրերին ադրբեջանական զինուժը պարբերաբար գնդակոծում է Արցախի բնակավայրերը, նաև թույլ չի տալիս իրականացնել Հայաստանից գնացող գազատարի վերանորոգումը։ 
Կոպիրկինը խոսել է նաև նոր սահմանափակումներից, որոնք գործարկվել են Ռուսաստանի դեմ Ուկրաինայում հատուկ գործողության պատճառով։ 

«Դրանք բավականին լուրջ են, բայց Ռուսաստանի դեմ առաջին պատժամիջոցները չեն, և մենք կփորձենք օգտագործել այդ մարտահրավերը՝ ավելի ուժեղ դառնալու համար»։