Ժամանակն է, որ Ստեփանակերտը, Մարտունին և Խոջալուն անցնեն Ադրբեջանի վերահսկողության տակ․ ադրբեջանցու խելացնոր հայտարարությունը

Արցախում արդեն որերորդ օրն է իրավիճակը շարունակում է լարված մնալ։ Քիչ առաջ էլ հայտնի դարձավ, որ թշնամին կրկին Ասկանանետի 3 ական է արձակվել Խնապատ գյուղի ուղղությամբ, իսկ 2 արկ ընկել է Փառուխ գյուղի տարածքում:

Այս ֆոնին հատկանշական է, որ Ադրբեջանի Ժողովրդավարության և մարդու իրավունքների ինստիտուտի ղեկավար Ահմեդ Շահիդովը թուրքական Ulusal հեռուստաընկերության եթերում հայտարարել է, թե իբր Ադրբեջանն Արցախում սկսել է «ահաբեկչության դեմ ռազմական գործողություն»:

Ըստ Շահիդովի` «նպատակն այնտեղ գտնվող հայ զինված խմբավորումների վերացումն է», հայերին անվանել է «ադրբեջանցիներին սպանած ահաբեկիչներ»:

Ադրբեջանցի պաշտոնյան նաև փորձել է առաջ տանել այն կեղծ թեզը, թե արդեն երկու օր է, ինչ ռուս խաղաղապահներն սկսել են հեռանալ Արցախից` դա կապելով փետրվարի 23-ին կնքված ռուս-ադրբեջանական դաշնակցային հռչակագրի հետ:

Նա նաև նշել է, որ Արցախում տեղակայված խաղաղապահները ռուսական բանակի էլիտար ստորաբաժանումներն են, և նրանց ուղարկելու են Ուկրաինա` պատերազմելու: Նշենք, որ նրա հայտարարությունները հեռու են իրականությունից

Շահիդովը տուրք տալով իր երազանքների՝ նշել է, թե «արդեն եկել է ժամանակը, որ Ստեփանակերտը, Մարտունին և Խոջալուն անցնեն Ադրբեջանի վերահսկողության տակ, և մոտակա ժամանակներում այդ շրջանների ադրբեջանցի բնակիչները վերադառնալու են»: