ՀԱՊԿ-ն խորը մտահոգություն է հայտնել քիմիական ահաբեկչության սպառնալիքների կապակցությամբ

Հավաքական անվտանգության պայմանագրի կազմակերպության (ՀԱՊԿ) անդամ պետությունները խորը մտահոգություն են հայտնել քիմիական ահաբեկչության սպառնալիքների կապակցությամբ: Այս մասին նշվում Է ՌԴ ԱԳՆ կայքում հրապարակված նրանց համատեղ հայտարարության մեջ։

«Հավաքական անվտանգության պայմանագրի կազմակերպության (ՀԱՊԿ) անդամ պետությունները, լինելով քիմիական զենքի մշակման, արտադրության, կուտակման և կիրառման արգելման և ոչնչացման մասին կոնվենցիայի պատասխանատու անդամ պետություններ, խորը մտահոգություն են հայտնում քիմիական ահաբեկչության սպառնալիքների կապակցությամբ և հաստատակամորեն հայտարարում են իրենց հավատարմությունը խաղաղությանը, որը զերծ է քիմիական զենքից», – ասված է հայտարարության մեջ: