Բայդենն այսօր կհայտարարի Ռուսաստանի հետ «բնականոն առևտրային հարաբերությունները» դադարեցնելու մասին
ԱՄՆ նախագահ Ջո Բայդենը ուրբաթ օրը՝ մարտի 11-ին, Ուկրաինայի շուրջ ստեղծված իրավիճակի պատճառով Ռուսաստանի հետ «բնականոն առևտրային հարաբերությունները» դադարեցնելու առաջարկով հանդես կգա։ Այս մասին հայտնում է Reuters գործակալությունը՝ հղում անելով իր աղբյուրին։
Նրա խոսքով, երկրի ղեկավարը նախաձեռնում է նաեւ ռուսական ներմուծման մաքսատուրքերի բարձրացում։
Փետրվարի 24-ին ՌԴ նախագահ Վլադիմիր Պուտինը հայտարարեց, որ որոշել է ռազմական հատուկ գործողություն անցկացնել Ուկրաինայում՝ ի պատասխան ԼԺՀ-ի և ԴԺՀ-ի ղեկավարների օգնության խնդրանքին։
