«Մենք կխփենք ռուս զինվորականներին իրենց սեփական զենքով»․ Զելենսկի
Հերթական տեսաուղերձում Ուկրաինայի նախագահ Վլադիմիր Զելենսկին ամփոփել է երկշաբաթյա պատերազմից հետո երկրում ստեղծված իրավիճակը։ Նրա խոսքով՝ Ռուսաստանի Դաշնությունից «սպառնալիքի մասշտաբները» «առավելագույնն են»։
Ուկրաինայի զինված ուժերը և տարածքային պաշտպանությունը ռուսների հաշվին համալրում են զենքի, զինամթերքի և տեխնիկայի պաշարները։
«Բայց մեր արձագանքի մասշտաբները ևս առավելագույնն են: Ի՞նչը կարող է ավելի նվաստացուցիչ լինել օկուպանտի համար: Մենք նրանց կխփենք իրենց սեփական զենքերով»,- ասել է նա։
Ուկրաինայի նախագահը ռուս զինվորականներին ռուսերենով կոչ է արել վերադառնալ իրենց հայրենիք։
«Այստեղ ձեզ ոչինչ չի սպասվում, բացի գերի ընկնելուց ու զոհվելուց», - ասել է նա։ |
