CNN-ը հայտնում է, թե ՌԴ-ն Ուկրաինայում հատուկ ռազմական գործողության ժամանակ որքան տեխնիկա է կորցրել
ԱՄՆ-ի գնահատմամբ՝ Ուկրաինայում հատուկ ռազմական գործողության ժամանակ օգտագործված ռուսական ռազմական ակտիվների 8%-ից 10%-ն այժմ ոչնչացված է կամ անգործունակ:
CNN-ը, նշում է, որ նման տեղեկություն է հայտնել հետախուզական թարմ տվյալներին ծանոթ ամերիկացի պաշտոնյան:
Լրատվամիջոցը հայտնում է, որ կորցրած տեխնիկան ներառում է տանկեր, ինքնաթիռներ, հրետանի և այլ ռազմական միջոցներ: ԱՄՆ-ի գնահատմամբ, Ուկրաինան կորցրել է իր ռազմական ակտիվների նույնքան տոկոսը, ասել է պաշտոնյան:
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։
Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»:
Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։
