Բայդենը եվրոպացի առաջնորդների հետ քննարկել է Ռուսաստանից նավթի ներկրման արգելքի հնարավորությունը
Մարտի 7-ին ԱՄՆ նախագահ Ջո Բայդենը եվրոպացի առաջնորդների հետ քննարկել է Ռուսաստանից նավթի ներկրման արգելքի հնարավորությունը, որոշում դեռ չի կայացվել, հայտնել է Սպիտակ տունը։
Ավելի վաղ, Եվրահանձնաժողովում եզրակացության էին եկել, որ մեկ-երկու տարի պետք կգա, որ Եվրամիությունը տնտեսության որոշ հատվածներում նվազեցնի կախվածությունը ռուսական էներգառեսուրսներից։
Ըստ կառույցի, ԵՄ մի շարք երկրներ շոշափելի խնդիրներ կունենան, եթե մեկ օրում դադարեցվեն ռուսական էներգառեսուրսների մատակարարումները։
