Եթե Ռուսաստանը գործողություն չսկսեր Ուկրաինայում, ապա ավելի մեծ ռիսկերի կբախվեր. Պուտին
Ուկրաինայում ռազմական հատուկ գործողությունը հարկադրված քայլ էր Ռուսաստանի համար, ասել է ՌԴ նախագահ Վլադիմիր Պուտինը։ Այս մասին գրում է РБК-ն:
«Այն, ինչ տեղի է ունենում, անհրաժեշտ միջոց է։ Մենք պարզապես այլ կերպ վարվելու հնարավորություն չունեինք: Անվտանգության ոլորտում ստեղծել էին այնպիսի ռիսկեր, որ այլ միջոցներով հնարավոր չէր արձագանքել: Բոլոր փորձերը զրոյական արդյունք էին տալիս»,- նշել է ՌԴ նախագահը՝ հավելելով, որ որևէ հարցով հնարավոր չի եղել առաջ շարժվել անգամ մեկ միլիմետր:
Նա կարծում է, որ եթե Ռուսաստանը գործողություն չսկսեր Ուկրաինայում, ապա ավելի մեծ ռիսկերի կբախվեր։
