Քննարկվում է արդյոք պատերազմում ՀԱՊԿ զորքերի հնարավոր մասնակցությունը. ինչ սցենար կարող է լինել
Ուկրաինայում ռազմական գործողությանը ՀԱՊԿ զորքերի հնարավոր մասնակցությունը չի քննարկվում։ Այս մասին այսօր՝ մարտի 7-ին, Ազգային ժողովում ավանդական ճեպազրույցների ժամանակ ասաց ԱԺ արտաքին հարաբերությունների մշտական հանձնաժողովի նախագահ, «Քաղաքացիական պայմանագիր» խմբակցության պատգամավոր Էդուարդ Աղաջանյանը։
Այնուամենայնիվ, նա չբացառեց այս հարցի հնարավոր քննարկումը։ «Եթե ինչ-որ կոնկրետ իրավիճակ ստեղծվի, ապա բերված փաստարկներով այս հարցը կքննարկվի»,- ասաց Աղաջանյանը։
Իր հերթին, նրա կուսակից Վահագն Ալեքսանյանը հավելեց, որ ՀԱՊԿ-ը նախատեսում է կազմակերպության զորքերի ներգրավում միայն մասնակից երկրներից մեկի տարածքում զինված բախումների դեպքում։ Պատգամավորը քիչ հավանական է համարում ռազմական գործողությունների տեղափոխումը Ռուսաստանի Դաշնության տարածք, իսկ Ուկրաինան ՀԱՊԿ անդամ չէ։
