ԼՈՒՍԱՆԿԱՐՆԵՐ. Ողբերգական դեպք Ստեփանավանում. ավտոմեքենայում հայտնաբերվել է 22-ամյա վարորդի դին

Այսօր՝ մարտի 4-ին, ողբերգական դեպք է տեղի ունեցել Լոռու մարզում: Ժամը 15:30-ի սահմաններում Արտակարգ իրավիճակների նախարարության փրկարար ծառայության 911 ճգնաժամային կառավարման կենտրոն ահազանգ է ստացվել, որ Ստեփանավան քաղաքի Ստեփանավանի կամրջի տակ՝ Ձորագետում ավտոմեքենա կա և կան կասկածներ, որ այնտեղ հնարավոր է՝ քաղաքացիներ լինեն: 

Ինչպես հայտնում է ֆոտոլրագրող Գագիկ Շամշյանը, hրշեջ-փրկարարները հատուկ ճոպանների միջոցով և վերամբարձ կռունկի օգնությամբ Infiniti մակնիշի ավտոմեքենան դուրս են բերել գետից, որտեղ հայտնաբերվել է վարորդի՝ Ստեփանավան քաղաքի բնակիչ, 22-ամյա Մելսիկ Հովսեփյանի դին: 

Փաստի առթիվ հարուցվել է քրեական գործ: 

Գ. Շամշյանի տեղեկություններով՝ այսօր առավոտվանից մահացածին որոնում էին հարազատները, ընկերները, ոստիկանության Ստեփանավանի ծառայողներն ու ճանապարհային ոստիկանները: 
 

[9a49941442843065af4c8e686f0fa204.png]
[eb1f1e453cefcc9fab78630ee4624acb.png]
[8eeebd1d720dc8fcbf72b95290354d57.png]
[70c95f9a9f5b4c331eddebbdbc7db773.png]