Ուկրաինայում տիրող իրավիճակը հոլիվուդյան մարտաֆիլմ չէ․ Լավրովը մանրամասնում է
Ռուսաստանի արտաքին գործերի նախարար Սերգեյ Լավրովը հայտարարել է, որ Ռուսաստանի Դաշնության և Ուկրաինայի ներկայացուցիչների միջև բանակցությունները տեղի կունենան այսօր՝ մարտի 3-ին։ Ռուս-ուկրաինական բանակցություններին դեռ վաղ է գնահատական տալ, համոզված է նա։
ՌԴ ԱԳ նախարարը վստահ է, որ Ուկրաինայում ստեղծված իրավիճակի լուծումը կգտնվի։ «Իհարկե, լուծում կգտնվի Ուկրաինայում տիրող իրավիճակի հետ կապված, ես կասկած չունեմ։ Այն պայմանները, որոնք մեզ համար նվազագույն են, հայտնի են։ Դրանք քննարկվում են, այդ թվում՝ ուկրաինական կողմի հետ բանակցություններում, ինչպես դա եղավ Գոմելում»,- ասել է նա հինգշաբթի ռուսական եւ արտասահմանյան լրատվամիջոցներին տված հարցազրույցում, փոխանցում է ՏԱՍՍ-ը։
Նրա կարծիքով, կասկած չկա, որ բանակցություններում ուկրաինական պատվիրակությունը ազդանշաններ է ստանում Վաշինգտոնից։
«Կրկին ուկրաինական թիմը որոշ պատճառներ է գտել այդ բանակցությունները հետաձգելու համար: Նրանք, իհարկե, հրահանգներ են ստանում Վաշինգտոնից, դրանում կասկած չկա: Այս երկիրը լիովին կախված է», - ասաց նա:
Ուկրաինայում տիրող իրավիճակը հոլիվուդյան մարտաֆիլմ չէ, որտեղ կա բացարձակ չարություն և բացարձակ բարիք, նշել է Լավրովը։
