«Մենք ենք իրական տերը». ադրբեջանցի պատգամավորներն այցելել են Երևանի «Կապույտ մզկիթ» և այն իրենցը անվանել

Ադրբեջանի խորհրդարանի պատգամավորներ Թաիր Միրկիշիլին եւ Սոլթան Մամեդովը, որոնք Երեւանում մասնակցել են «Եվրանեսթ» խորհրդարանական վեհաժողովի կոմիտեի նիստին, այցելել են «Կապույտ մզկիթ»։  Այս մասին Facebook-ի իր էջում գրել է պատգամավոր Թաիր Միրկիշիլին ։

«Որքան մեզ հայտնի է, սա միակ պահպանված ադրբեջանական հուշարձանն է Երևանում ։ Ու թեև նրա պատերին այլ պետության արձանագրություններ կան, բայց պատերը, ճարտարապետությունն ու ոգին միայն մեզ են պատկանում ։ Մենք զգացինք հարազատը ։ Մենք հավատում ենք, որ այդ մզկիթի իրական տերերը շուտով կարող են այստեղ իրենց աղոթքները բարձրացնել», – գրել է պատգամավորը։