Ուկրաինան նոր պատժամիջոցներ է մշակում Ռուսաստանի դեմ
Ուկրաինայի արտաքին գործերի նախարար Դմիտրի Կուլեբան հայտարարել է Ռուսաստանի դեմ նոր պատժամիջոցների նախապատրաստման մասին, փոխանցում է РИА Новости-ն։
«Արտաքին գործերի նախարարությունը փաստաթուղթ է մշակել, որտեղ թվարկված են նոր պատժամիջոցներ, որոնք պետք է կիրառվեն՝ բոլոր բացերը փակելու համար՝ լրացուցիչ ճնշում ստեղծելու համար։ Մենք աշխատում ենք երկրների հետ, որոնց միջոցով Ռուսաստանի Դաշնությունը փորձում է շրջանցել պատժամիջոցները»,- ասել է արտգործնախարարը։
Ավելի վաղ ԱՄՆ Կոնգրեսի հանրապետական սենատորները ներկայացրել էին օրինագիծ, որով առաջարկվում էր պատժամիջոցներ կիրառել Ռուսաստանի բոլոր պետական ձեռնարկությունների, այդ թվում՝ «Գազպրոմի» դեմ։
