Ովքեր ջրի, գազի, էլեկտրաէներգիայի սակագների մասով որևէ փոփոխություն չեն զգա. փոխվարչապետ
Հայաստանում անապահով խավը 2022 թվականին ջրի, գազի, էլեկտրաէներգիայի սակագների մասով որևէ փոփոխություն չի զգալու: «Արմենպրես»-ի փոխանցմամբ՝ կառավարության նիստի ընթացքում այս մասին ասել է ՀՀ փոխվարչապետ Մհեր Գրիգորյանը:
«Մենք կարող ենք արձանագրել հետևյալը՝ շուրջ 100 հազար ընտանիք, որևէ սակագնային փոփոխություն չի ունենալու թե ջրի, թե հոսանքի, թե գազի մասով՝ անկախ էներգակիրների գների ռեկորդային աճից կամ որևէ այլ հանգամանքներից: 2022 թվականին անապահով խավը սակագնային որևէ փոփոխություն չի զգալու»,- ասել է փոխվարչապետը:
