Հաագայի դատարանը Ուկրաինայի պատերազմի հարցով լսումներ կանցկացնի
ՄԱԿ-ի Արդարադատության միջազգային դատարանը հայտարարել է, որ մարտի 7-ին և 8-ին լսումներ է անցկացնելու Ուկրաինայի պատերազմի վերաբերյալ, գրում է AFP-ն:
Ավելի վաղ հայտնել էինք, որ Ուկրաինան պաշտոնապես հայց է ներկայացրել Ռուսաստանի դեմ Հաագայի Արդարադատության միջազգային դատարան:
«Պահանջում ենք Ռուսաստանին պատասխանատվության ենթարկել ագրեսիան արդարացնելու համար ցեղասպանություն հասկացությունը նենգափոխելու համար։ Դատարանին խնդրում ենք հրամայել ՌԴ-ին դադարեցնել ռազմական գործողությունները եւ լսումներ նշանակել արդեն հաջորդ շաբաթ», ասվում է հայցում։
