Ռուսաստանին ձգտելու են հեռացնել Ինտերպոլից
Մեծ Բրիտանիան արևմտյան դաշնակիցների հետ միասին ձգտելու է Ռուսաստանին հեռացնել Ինտերպոլից։ Այս մասին այսօր հայտնել է երկրի ներքին գործերի նախարար Փրիթի Փաթելը՝ ելույթ ունենալով բրիտանական խորհրդարանի Համայնքների պալատում։
«Ուկրաինայի կառավարությունն այսօր պահանջել է դադարեցնել ռուսական կառավարության անդամակցությունը Ինտերպոլին։ Մենք կգլխավորենք միջազգային ջանքերը դրան հասնելու համար»,- հայտարարել է նախարարը։
Հիշեցնենք` Ռուսաստանի նախագահ Վլադիմիր Պուտինը փետրվարի 24-ին հայտարարել է Ուկրաինայում հատուկ ռազմական գործողություն անցկացնելու մասին՝ ի պատասխան Դոնբասի հանրապետությունների ղեկավարների օգնության դիմումի:
