ՖԻՖԱ-ն և ՈւԵՖԱ-ն Ռուսաստանի հավաքականին հեռացրել են միջազգային մրցաշարերից
Ֆուտբոլի միջազգային ֆեդերացիան (ՖԻՖԱ) և Եվրոպական ֆուտբոլային ասոցիացիաների միությունը (ՈՒԵՖԱ) դադարեցրել են ռուսական ակումբների և ազգային հավաքականի մասնակցությունը բոլոր միջազգային մրցաշարերին։ Այս մասին գրում է RT-ն:
«ՖԻՖԱ-ի խորհրդի և ՈՒԵՖԱ-ի գործադիր կոմիտեի կողմից ընդունված նախնական որոշումներից հետո, որոնք նախատեսում էին լրացուցիչ միջոցների ընդունում, այսօր կառույցները համատեղ որոշում կայացրին, որ Ռուսաստանի բոլոր թիմերը՝ լինեն հավաքականներ, թե ակումբներ, կասեցվելու են ՖԻՖԱ-ի և ՈւԵՖԱ-ի հովանու ներքո անցկացվող մրցաշարերի մասնակցությունից»,- ասվում է ՈւԵՖԱ-ի կայքում հրապարակված հաղորդագրության մեջ։
Որոշումն ուժի մեջ է «մինչև հետագա ծանուցումը»։
