Պուտինը ագրեսոր է. Բայդենի հրատապ հայտարարությունը
ԱՄՆ նախագահ Ջո Բայդենը հանդես է գալիս հրատապ հայտարարությամբ:
Նա իր ելույթում ՌԴ նախագահ Վլադիմիր Պուտինին անվանել է ագրեսոր, և նշել, որ ՆԱՏՕ-ն մշակում է Ռուսաստանի գործողություններին պատասխանելու ծրագիր, ԱՄՆ-ը նոր ուժեր կտեղակայի Եվրոպայում, այդ թվում՝ Գերմանիայում։
«Պուտինը ագրեսոր է: Պուտինը ընտրել է պատերազմը»,- ասել է Բայդենը:
Ամերիկացի նախագահը նաև անհիմն է համարել ռուսական ռազմական գործողությունը Դոնբասում.
Նա նշել է, որ նոր պատժամիջոցները սահմանափակում են բարձր տեխնոլոգիական արտադրանքի արտահանումը Ռուսաստան, ներառյալ տիեզերական արդյունաբերությունը։
«Մենք կսահմանափակենք ռուսական բիզնեսի հնարավորությունը՝ գործարքներ իրականացնելու դոլարով և եվրոյով, ֆունտով և իենով»,- ասել է նա։
Բացի դա, ԱՄՆ նախագահը նշել է, որ ԱՄՆ-ն արգելափակող պատժամիջոցներ է կիրառել «ՎՏԲ»-ի դեմ:
