Հրդեհ՝ Հունաստանի ափերի մոտ գտնվող նավում, որում 237 ուղևոր կա

Հունաստանի ափերի մոտ՝ Հոնիական ծովում, այրվում է իտալական զբոսաշրջային նավը, որը տեղափոխում է 237 ուղեւոր և անձնակազմի ավելի քան 50 անդամ, հայտնում է Agence France-Presse-ը՝ վկայակոչելով նավահանգստի իշխանություններին։
 

Euroferry Olympia-ն նավարկելիս է եղել Հունաստանի Իգումենիցայի և Իտալիայի Բրինդիզիի միջև, երբ սկսել է այրվել:

Հաղորդվում է, որ նավի մոտ են ուղարկվել պարեկային երեք նավեր և առափնյա պահպանության երեք քարշակ։