Նոր մանրամասներ՝ Երևանում «Գրանդ Սպորտ»-ի դիմաց մահվան ելքով կրկնակի վրաերթից. Shamshyan. com
Երեկ՝ փետրվարի 16-ին, Հայաստանի քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի հատկապես կարևոր գործերով ավագ քննիչ Տիգրան Վարդանյանի որոշմամբ ձերբակալվել է Երևան քաղաքի բնակիչ, 46-ամյա Հակոբ Գրիգորյանը:
Ինչպես հայտնում է Shamshyan. com-ը, վերջինս երեկ ինքնակամ ներկայացել է ոստիկանության Շենգավիթի բաժին և հայտնել, որ այդ օրը իր վարած Opel մակնիշի ավտոմեքենայով Արշակունյաց պողոտայում՝ «Գրանդ Սպորտ» համալիրի դիմաց, անզգուշաբար վրաերթի է ենթարկել հետիոտնին:
Գ. Շամշյանի տեղեկություններով՝ Հ. Գրիգորյանը տեղափոխվել է ոստիկանության Երևան քաղաքի վարչության ձերբակալվածների պահման վայր: Երբ նա վրաերթի է ենթարկել փողոցը թույլատրելի հատվածով անցնող հետիոտն Կարինե Քալաշյանին, վերջինս ընկած տեղից բարձրացել է ու այդ ժամանակ Աշտարակ քաղաքի բնակիչ, 44-ամյա Ռուբիկ Զ.-ն իր վարած Mercedes մակնիշի ավտոմեքենայով հարվածել է հետիոտնին ու նրան 40-50 մետր հրելով, տարել: Mercedes-ի վարորդի նկատամբ խափանման միջոց ընտրվել է ստորագրություն:
Ինչպես ավելի վաղ դեպքի վայրից հայտնել էր ֆոտոլրագրողը, փետրվարի 16-ին մահվան ելքով վրաերթ էր տեղի ունեցել Երևանում։ Ժամը 06։30-ի սահմաններում Արագածոտնի մարզի բնակիչ՝ 44-ամյա Ռուբիկ Զ-ն ի վարած Mercedes մակնիշի ավտոմեքենայով Արշակունյաց պողոտայում՝ «Գրանդ Սպորտ» համալիրի դիմաց, վրաերթի էր ենթարկել կին հետիոտնի։ Վարորդը փախուստի չէր դիմել, փորձել էր օգնել վրաերթի ենթարկվածին, ահազանգել էր շտապօգնություն, և ժամանած բժիշկների հերթապահ խումբն արձանագրել էր նրա մահը։
Ըստ նախնական տեղեկությունների, վարկածներից մեկով՝ պարեկային ծառայությունը, քննչական խումբն ու ոստիկանության Շենգավիթի բաժնի ծառայողներն աշխատում էին նաև այն ուղղությամբ, որ մեկ այլ ավտոմեքենա վրաերթի է ենթարկել հետիոտնին, ով շպրտվել և ընկել է Mercedes-ի վրա, քանի որ պարեկների օպերատիվ ժամանման արդյունքում դիակից մոտ 30-40 մետր հեռավորության վրա հայտնաբերվել է մեկ այլ ավտոմեքենայի կոտրված դետալներ, վրաերթի ենթարկվածի պայուսակը, շարֆը, իսկ կոշիկներից մեկը հարվածի արդյունքում շպրտվել ու հայտնվել էր հանդիպակաց երթևեկելի գոտում։
Մանրամասները՝ կայքում:
