Ալիևի նախկին փեսայի` Էմին Ագալարովի ռեստորանում հյուրերին կերակրում են ռուսական արջերով
Ռուսաստանի Դաշնության նախագահին առընթեր մարդու իրավունքների խորհրդի անդամ Մարինա Ախմեդովան ահազանգում է սոցիալական ցանցերում. Օրերս մի շարք Telegram ալիքներ հրապարակել են որսագողերի լուսանկարներ, որոնք երեք ձագերի հետ սպանել են էգ արջին։
Ինչպես հայտնում է Infoteka 24 տելեգրամի ալիքը, որսագողերը որսի մսով են մատակարարել մոսկովյան ռեստորանները, այդ թվում՝ հայտնի «Լեսնոյ» ռեստորանը, որտեղ խոհարարը ադրբեջանցի Ռուստամ Թանգիրովն է։ Նա որսագողերից որս է գնել։
Ռեստորանը պատկանում է Իլհամ Ալիևի նախկին փեսային և ռուս մագնատի որդուն՝ երգիչ Էմին Ագալարովին և նրա գործընկեր Գրիգորի Լեպսին։ Հեռուստաալիքի տվյալներով՝ որսագողերը ձերբակալվել են Իրկուտսկի ոստիկանության կողմից և նրանց հեռախոսներում նամակագրություն են գտել Թագիրովի հետ, ով կենդանիների միս է պատվիրել։ Սակայն գործը փակվել է Մոսկվայից ստացված զանգով, ինչը սպասելի էր՝ հաշվի առնելով, թե ինչ անուններ կան դրանում։ Ախմեդովան կոչ է անում հանրայնացնել այս ոճրագործությունը և բոյկոտել Ագալարովի և Լեպսի կառույցը, որոնք անպատիժ կերպով զբաղվում են հանցավոր գործունեությամբ։
«Չնայած ես չեմ հավատում, որ նրանք, ովքեր կերել են արջ, եղջերու և այլ գեղեցիկ անտառային կենդանիներ, ինչ-որ կերպ կփչացնեն իրենց կարծիքը ռեստորանի մասին»,- գրում է Ախմեդովան։
Տելեգրամի ալիքը հավելում է․ «Ռուսաստանում օրեցօր ավելանում է օրինախախտ և որևէ ձևով չպատժված ադրբեջանցիների թիվը։ Նրանք կամ ազատորեն քանդում են պատմաճարտարապետական հուշարձաններ, կամ պատվիրում են սպանել արջերին՝ ռուսական տայգայի խորհրդանիշներին, կամ ստիպում են ՌԴ քաղաքացիներին տեսախցիկի առաջ ներողություն խնդրել ադրբեջանցիներից, ծեծել ռուս քաղաքացիներին և ուղղակի փախչել իրենց հայրենիք։ Միաժամանակ, ռուսական հասարակությունը աչք է փակում այս ամենի վրա։ Հարց է ծագում՝ Ռուսաստանում իշխանությունը դեռ պատկանում է Մոսկվայի՞ն»։