Կրակոցներ են հնչել հայ-ադրբեջանական սահմանի Տավուշի մարզի ուղղությամբ
Գիշերը կրակոցներ են հնչել հայ-ադրբեջանական սահմանի Տավուշի մարզի ուղղությամբ։ MediaHub.am-ի հետ զրույցում Այգեձոր համայնքի բնակիչները նշել են, որ կրակոցները եղել են ժամը 24:00-ից 1-ն ընկած ժամանակահատվածում և տևել են շուրջ 20 րոպե։
«Դիրքերից տղաներն ասացին, որ կրակոցները եղել են Չինարիի սահմանին տեղակայված դիրքերի ուղղությամբ։ Փոխհրաձգություն է եղել, միայն հրաձգային զինատեսակներից են կրակել, մենք տուժածներ չունենք», - ասել է մեր զրուցակիցներից մեկը։
Նրա խոսքով` կրակի դադարից հետո նոր կրակոցներ չեն եղել, իսկ վերջին անգամ թշնամին սահմանի այս հատվածում հրադադարի ռեժիմը խախտել էր մոտ մեկ ամիս առաջ։