Վերջապես Փարաքարը համայնքապետ կունենա․ 5 տարվա կառավարումը բաժանվեց 2 մասի

Այսօր Փարաքարի համայնքապետարանում շարունակվող նիստի ժամանակ «Ապրելու երկիր» խմբակցության անդամները վայր դրեցին մանդատները։ 

«Հանուն մեր ժողովրդի, հանուն համերաշխության վայր ենք դնում մանդատները»,-հայտարարեց «Ապրելու երկիր» խմբակցության համայնքապետի թեկնածու Վոլոդիա Գրիգորյանը։

Փարաքարի «Դավիթ Մինասյան» եւ «Քաղաքացիական պայմանագիր» խմբակցությունների միասնական թեկնածու Դավիթ Մինասյանն այսօր` հունվարի 9-ին, ընտրվեց Փարաքար խոշորացված համայնքի ղեկավար:

Ավագանու նիստին հայտարարվեց, որ առաջիկա 5 տարիներին նա կիսելու է համայնքի կառավարումը ՝ 2,5 տարի կառավարելու է Դավիթ Մինասյանը, հաջորդ 2,5 տարին՝ Լյուդվիգ Գյուլնազարյանը` ՔՊ-ի թեկնածուն:

Դավիթ Մինասյանը պաշտոնապես երդվելու է հունվարի 12-ին:

Նշենք, որ արդեն 2 շաբաթ է՝ այս համայնքում չէին կարողանում ընտրել համայնքի ղեկավարին։