Արտակարգ դեպք Երևանում. իրանական համարանիշներով Mercedes-ը միսկոմբինատի մոտ կոտրել է գազատար խողովակները
Այսօր՝ դեկտեմբերի 21-ին, արտակարգ դեպք է տեղի ունեցել Երևանում: Ժամը 14:10–ի սահմաններում իրանական համարանիշներով Mercedes բեռնատարը Արին Բերդի փողոցում՝ միսկոմբինատի հարևանությամբ գտնվող 3-րդ նրբանցքում բախվել է գազատար խողովակներին: Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն ժամանել է ԱԻՆ ՓԾ Երևանի հրշեջ-փրկարարական ջոկատից 1 մարտական հաշվարկ:
Ըստ նախնական տեղեկությունների՝ բարեբախտաբար, տուժածներ չկան: Պարեկային ծառայությունը պարզում է վարորդի ինքնությունը:
