Հասարակություն Կարևոր

Ձյուն, ձնաբուք, տեղումներ. ինչ իրավիճակ է հանրապետությունում

Ձյուն, ձնաբուք, տեղումներ. ինչ իրավիճակ է հանրապետությունում
Շիրակի և Լոռու մարզերում, Արագածոտնի մարզի Ապարանի, Թալինի և Արագածի տարածաշրջաններում, Տավուշի մարզի Դիլիջան քաղաքում ձյուն է տեղում։ Տեղեկությունը հայտնում են ՀՀ արտակարգ իրավիճակների…

Շիրակի և Լոռու մարզերում, Արագածոտնի մարզի Ապարանի, Թալինի և Արագածի տարածաշրջաններում, Տավուշի մարզի Դիլիջան քաղաքում ձյուն է տեղում։ Տեղեկությունը հայտնում են ՀՀ արտակարգ իրավիճակների նախարարությունից։

 

Նշվում է, որ Շիրակի մարզի Ջաջուռի ոլորաններում ձնաբուք է։ Լոռու մարզի Սպիտակի ոլորանները, Վանաձոր-Ստեփանավան ավտոճանապարհի Պուշկինո գյուղի հատվածը և Վանաձոր-Գյումրի ավտոճանապարհի Լուսաղբյուր գյուղի հատվածը դժվարանցանելի են։

«Ճանապարհային դեպարտամենտ» հիմնադրամն էլ տեղեկացնում է, որ դեկտեմբերի 1-ին՝ ժամը 17։00-ի դրությամբ, Անիի, Արթիկի, Աշոցքի, Արագածի, Սպիտակի, Վանաձորի, Ստեփանավանի, Տաշիրի տարածաշրջաններում ձյուն է տեղում, իսկ Թումանյանի և Թալինի տարածաշրջաններում՝ անձրև։ Աշոցքի տարածաշրջանում բուք է։

 

Արագածոտնի մարզում էլ դեկտեմբերի 1-ից «Ամբերդ» բարձր լեռնային օդերևութաբանական կայանից դեպի Քարի լիճ տանող ավտոճանապարհը փակ կլինի այցելուների համար։

Քարաթափման վտանգի պատճառով Զովունի գյուղից դեպի Կորեայի ձոր տանող ավտոճանապարհը շարունակում է ժամանակավորապես երկկողմանի փակ մնալ։

Միջպետական և հանրապետական նշանակության բոլոր ավտոճանապարհները բաց են:

Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել ձմեռային անվադողերով:

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7625) Միջազգային (3385) ԱՄՆ (2311) Ռուսաստան (2129) Իրան (1753) Ընտրություններ (1274) Ուկրաինա (839) Երևան (804) Իսրայել (761) Ադրբեջան (638) Փաշինյան (564) Եվրոպա (514) Ընդդիմություն (448) Ազգային ժողով (443) Թրամփ (435)

Radio Aurora

Լսել Radio Aurora

Գովազդային տարածք

300x250