«Օմիկրոն» շտամն արդեն Ռուսաստանում է. վարակման դեպքեր կան
Ռուսաստանում արդեն կան հիվանդներ, որոնք վարակված են նոր Օմիկրոնով ՝ կորոնավիրուսի շտամով։ Այս մասին ՌԻԱ Նովոստիին հաղորդել է սենատոր Վլադիմիր Կրուգլին։
Նրա խոսքով, շտամի տարածման աղբյուր կարող են լինել Եգիպտոս այցելած ՌԴ քաղաքացիները։ Նա կոչ է արել փակել այդ երկրի հետ ավիահաղորդակցությունը, քանի կորոնավիրուսի այս շտամը ուսումնասիրված չէ։
Առողջապահության համաշխարհային կազմակերպությունը ահազանգել է կորոնավիրուսային հիվանդության հարուցչի նոր ենթատեսակի՝ «Օմիկրոնի» մասին («B.1.1.529») սահմանելով այն որպես անհանգստություն առաջացնող:
Կորոնավիրուսային հիվանդության նոր շտամն ունի շուրջ 50 մուտացիա, որից 30-ը` սպայկային սպիտակուցում, առաջին անգամ արձանագրվել է Հարավային Աֆրիկայի Հանրապետությունում:
ԱՀԿ-ն նաև հայտնել է, որ այս շտամն ավելի արագ է տարածվում, քան իր նախորդները, ինչի մասին վկայում է Հարավային Աֆրիկայի փորձը:
Հետևաբար, նոր շտամը կարող է վարակել ավելի շատ մարդկանց, ներառյալ նրանց, ովքեր ապաքինվել են այլ շտամներից: Կազմակերպությունը կոչ է արել բոլոր երկրներին ավելի մեծ ուշադրություն դարձնել կորոնավիրուսի նոր շտամի ուսումնասիրությանը։
