Երգիչ և կոմպոզիտոր Ալեքսանդր Գրադսկու մահվան պատճառը հայտնի է

Երգիչ և կոմպոզիտոր Ալեքսանդր Գրադսկու մահվան պատճառը ուղեղի ինֆարկտն է, հայտնում է iz.ru-ն: 

72-ամյա ժողովրդական արտիստն ինսուլտ է տարել և գտնվում էր ինտենսիվ նեյրոթերապիայի բաժանմունքում։ Նա ուղեղի ինֆարկտ է տարել։ 

Այսօր հայտնի է դարձել, որ 72 տարեկանում մահացել է Ռուսաստանի Դաշնության ժողովրդական արտիստ Ալեքսանդր Գրադսկին։ Արտիստը մահացել է ժամը 02:10-ին։ 

Ռուսաստանի ժողովրդական արտիստ Ալեքսանդր Գրադսկու ընտանիքը լրատվամիջոցներին խնդրում է հարգել իրենց վիշտն ու անձնական կյանքի իրավունքը: Դանիել և Մարիա Գրադսկիների երեխաների համապատասխան հայտարարությունը հրապարակել է ՏԱՍՍ-ը։ 

Ավելի վաղ ուրբաթ թերթը հայտնել էր, որ Գրադսկին ինսուլտի կասկածանքով շտապ տեղափոխվել էր հիվանդանոց: Կոմպոզիտորը բողոքել էր վատառողջությունից, երբ տանը եղել է։ 

Ալեքսանդր Գրադսկին 1997 թվականին ստացել է Ռուսաստանի վաստակավոր արտիստի կոչում, իսկ երկու տարի անց դարձել ՌԴ ժողովրդական արտիստ։ Վերջին տարիներին կոմպոզիտորը եղել է «Ձայնը» հեռուստաշոուի մենթոր: Ի դեպ, Ռուսական Առաջին ալիքը կշարունակի ցուցադրել «Ձայնը» հեռուստաշոուն: Կոմպոզիտորի մահից հետո որոշվել է ավարտին հասցնել նախագծի 10-րդ եթերաշրջանը՝ ի հիշատակ մաեստրոյի: