Ջո Բայդենն արձակուրդում է

ԱՄՆ նախագահ Ջո Բայդենը հինգ օրով մեկնել է Մասաչուսեթս՝ մինի արձակուրդի, հայտնել են Սպիտակ տանը՝ վկայակոչելով NBC Boston-ը, փոխանցում է «Գազետա»-ն:

Նախագահական լողավազանի լրագրողների փոխանցմամբ՝ Բայդենն արդեն ժամանել է Նանթաքետ մոդայիկ առողջարանային կղզի։

Բայդենի ժամանակացույցի համաձայն՝ նա մինչեւ շաբաթվա վերջ նախատեսված հանրային միջոցառումներ չունի, իսկ նոյեմբերի 25-ին ԱՄՆ-ում նշվում է ազգային տոնը՝ Գոհաբանության օրը։ Շատ ամերիկացիներ այս տոնից առաջ եւ հետո հանգստյան օրեր կամ արձակուրդ են վերցնում, որպեսզի այդ ժամանակն անցկացնեն իրենց հարազատների հետ:

Սպիտակ տանը ճեպազրույցի ժամանակ նախագահի մամուլի քարտուղար Ջեն Փսակիին հարցրել էին, թե ինչպես կարող է պետության ղեկավարը բացատրել իր արձակուրդը «միլիարդատերերի շրջապատում», երբ գնաճը ավանդական Գոհաբանության օրվա սեղանի զգալի թանկացման է հանգեցրել:

«Հիմա ժամանակն է մի կողմ դնել քաղաքականությունը, ժամանակ անցկացնել սիրելիների հետ եւ խոսել այն մասին, ինչի համար ենք մենք շնորհակալ... Ուր էլ որ լինի նախագահը, նա կաշխատի»,- Փսակիի խոսքերը մեջբերում է «ՌԻԱ Նովոստի»-ն։