Առանձին շրջաններում սպասվում են կարճատև անձրև և ամպրոպ. օդի ջերմաստիճանն էապես չի փոխվի

Երևանում օգոստոսի 17-21-ը սպասվում է առանց տեղումների եղանակ։ Երեկոյան ժամերին քամու արագությունը կարող է հասնել 15-18 մ/վ-ի։

Հանրապետության տարածքում օգոստոսի 17-18-ը՝ գիշերը և կեսօրից հետո, իսկ օգոստոսի 19-21-ը՝ երեկոյան ժամերին, առանձին շրջաններում սպասվում են կարճատև անձրև և ամպրոպ։

Քամին կլինի հյուսիսարևելյան և արևելյան՝ 4-7 մ/վ արագությամբ։ Ամպրոպի ժամանակ առանձին հատվածներում քամու արագությունը կարող է հասնել 20-25 մ/վ-ի։

Արմավիրի մարզում, Արագածոտնի և Կոտայքի նախալեռներում, ինչպես նաև Շիրակի մարզի առանձին հատվածներում երեկոյան ժամերին սպասվում է քամու ուժգնացում՝ 17-20 մ/վ արագությամբ։

Օդի ջերմաստիճանն էապես չի փոխվի։