Պուտինն ու Մակրոնը քննարկել են իրավիճակը Լեռնային Ղարաբաղում

 Ռուսաստանի նախագահ Վլադիմիր Պուտինը և Ֆրանսիայի նախագահ Էմանուել Մակրոնը հեռախոսազրույց են ունեցել, որի ընթացքում, ի թիվս այլ հարցերի, քննարկվել է նաև իրավիճակը Լեռնային Ղարաբաղում:

Ինչպես նշում է Կրեմլի պաշտոնական կայքը, ՌԴ նախագահն ընդգծել է, որ Ռուսաստանը շարունակելու է քայլեր ձեռնարկել, որոնք կնպաստեն իրավիճակի կայունացմանը և Ռուսաստանի միջնորդությամբ ձեռք բերված եռակողմ պայմանավորվածությունների հետևողական իրականացմանը: