Թուրքիայի խորհրդարանը մեկ տարով երկարացրել է Ադրբեջանում թուրք զինվորականների գտնվելու մանդատը

Թուրքիայի խորհրդարանն ընդունել է Ադրբեջանում թուրք զինվորականների գտնվելու մանդատը մեկ տարով երկարացնելու մասին օրենքը: Այս մասին հայտնում է РИА Новости-ն։
 

Գործակալության տվյալներով՝ օրինագիծը նշում է Աղդամում ռուս-թուրքական համատեղ մոնիտորինգի կենտրոնի գործունեությունը շարունակելու կարևորությունը, ինչը «նպաստում է անվտանգությանը և կողմերի միջև վստահության մթնոլորտի ձևավորմանը»։
 

Ադրբեջանում թուրք զինվորականների առաքելության ժամկետը երկարաձգվում է մեկ տարով՝ սկսած նոյեմբերի 17-ից։