ԱՄՆ-ն Ադրբեջանին և Հայաստանին կոչ է անում ամբողջությամբ կատարել հրադադարի պայմանները. ԱՄՆ Պետդեպ
ԱՄՆ-ն Ադրբեջանին և Հայաստանին կոչ է անում ամբողջությամբ կատարել հրադադարի պայմանները: Այս մասին հայտարարություն է տարածել ԱՄՆ Պետդեպարտամենտը:
«Մենք կոչ ենք անում վերադարձնել բոլոր պահվող անձանց, լիարժեք հաշվետու լինել անհետ կորածների համար, ապահովել տեղահանվածների կամավոր վերադարձն իրենց տներ, իրականացնել ընդգրկուն հումանիտար ականազերծում հակամարտության ազդակիր տարածքներում և կարիքավորների հետ աշխատելու հասանելիություն ապահովել միջազգային մարդասիրական կազմակերպությունների համար»,- նշվում է տարածված հայտարարությունում։
Միացյալ Նահանգները նաև նշել է ԵԱՀԿ Մինսկի խմբի համանախագահների հովանու ներքո Հայաստանի և Ադրբեջանի միջև շփումների կարևորությունը՝ Լեռնային Ղարաբաղի հակամարտության հետ կապված հարցերի լուծման համար։
