Ռիգայում շարունակվում են շախմատի Grand Swiss տղամարդկանց և կանանց մրցաշարերը: Երեկ կայացել են 7-րդ տուրի պարտիաները:

Տղամարդկանց մրցաշարում մեր շախմատիստներից լավագույն արդյունքն ունեն Մանուէլ Պետրոսյանը և Գաբրիել Սարգսյանը՝ 4,5-ական միավոր, կիսում են 5-32-րդ տեղերը, և մեկ միավորով են զիջում մրցաշարի առաջատարին։ Երկու շախմատիստներն էլ այս տուրում ոչ-ոքի խաղացին։ Մրցաշարային աղյուսակը միանձնյա գլխավորում է Ֆրանսիան ներկայացնող իրանցի գրոսմայստեր Ալիրեզա Ֆիրուջան, ով իր ակտիվում ունի 5,5 միավոր։

Երկրորդ հաղթանակը տարավ Սամվել Տեր-Սահակյանը (4 միավոր)․ նույնքան միավոր ունի նաև Ռոբերտ Հովհաննիսյանը, իսկ Լևոն Արոնյանը (3.5 միավոր) առաջին պարտությունը կրեց մրցաշարում:

Կանանց մրցաշարում Հայաստանի երկու ներկայացուցիչներ Էլինա Դանիելյանը (2,5 միավոր) և Աննա Սարգսյանը (2.5 միավոր) կիսում են մրցաշարային աղյուսակի 39-44-րդ տեղերը։

Հավելենք, որ առաջին երկու տեղը գրաված շախմատիստները կնվաճեն աշխարհի չեմպիոնի հավակնորդների մրցաշարի ուղեգրեր։