Թուրքիան կարող է նոր ռազմական գործողություն սկսել Սիրիայի հյուսիսում արդեն երեքշաբթի
Թուրքական զինված ուժերը ծրագրում են երեքշաբթի օրը՝ նոյեմբերի 2-ին, ռազմական գործողություններ սկսել Սիրիայի հյուսիսում՝ արաբ-քրդական աշխարհազորայինների դեմ, հայտնել է սիրիական ընդդիմության աղբյուրը։
Ինչպես աղբյուրը հայտնել է РИА Новости-ին՝ «Թուրքիան մտադիր է ռազմական գործողություններ սկսել «Սիրիայի դեմոկրատական ուժերի» (SDF) դեմ և ընդդիմադիր խմբերին հանձնարարել է պատրաստվել գործողությանը»:
Նախատեսվում է ռազմական գործողություններ սկսել միանգամից մի քանի ուղղություններով՝ Ազազից ու Թել Ադյադից։
