ՏԵՍԱՆՅՈՒԹ. Բաշկիրիայում ոստիկանները թոշակառուին ուժով դուրս են բերել միջքաղաքային ավտոբուսից
Բաշկիրիայում ոստիկանները թոշակառուին ուժով դուրս են բերել միջքաղաքային ավտոբուսից: Այս մասին գրում է Говорит Москва-ն: Կինը դիմադրություն է ցույց տվել բերման ենթարկվելիս, ինչից հետո իրավապահ մարմինների աշխատակիցները նրան հարկադրել են լքել մեքենան:
Միջադեպի տեսագրությունը հայտնվել է սոցիալական ցանցերում:
Տեղի ներքին գործերի նախարարությունը բացատրել է, որ ավտոկայարանինի աշխատակիցները ծեր կնոջ նկատմամբ բողոք են ներկայացրել ոստիկանություն:
Նրանց խոսքով՝ կինը հրաժարվել է ներկայացնել կորոնավիրուսի դեմ պատվաստումը հաստատող փաստաթղթեր և այդպիսով հետաձգել է ավտոբուսի մեկնումը: Նա նաև չի ցանկացել կատարել անվտանգության ուժերի պահանջները, այդ իսկ պատճառով իրավապահները ստիպված են եղել նրան տանել ոստիկանական բաժանմունք և վարչական իրավախախտման վերաբերյալ արձանագրություն կազմել:
