Մոսկվայում կհանդիպեն Հայաստանի և Ադրբեջանի հոգևոր առաջնորդները

Մոսկվայի և համայն ռուսիո պատրիարք Կիրիլի, Ամենայն հայոց կաթողիկոս Գարեգին 2-րդի և Կովկասում բոլոր մուսուլմանների և Ադրբեջանի հոգևոր առաջնորդ շեյխ Ուլ-իսլամ Ալլահշուքյուր Փաշազադեի եռակողմ հանդիպումը կկայանա հոկտեմբերի 12-13-ը Մոսկվայում: Այս մասին հայտնում է РИА Новости-ն՝ հղում անելով Հայ Առաքելական եկեղեցու Ռուսաստանի և Նոր Նախիջևանի թեմին: 

Ավելի վաղ ՌԴ հոգևոր առաջնորդը հայտարարել էր, որ Հայաստանի և Ադրբեջանի հոգևոր առաջնորդների հանդիպումն օգնել է երկու երկրների միջև լարվածության թուլացմանը։ Մոսկվայի պատրիարքարանի միջքրիստոնեական հարաբերությունների եկեղեցական արտաքին կապերի վարչությունը հայտնել է, որ հոգևոր առաջնորդները կհանդիպեն հոկտեմբերի 13-ին պատրիարքական և սինոդալ նստավայրում՝ Դանիլով վանքում: