ՏԵՍԱՆՅՈՒԹ. Իտալիայում ֆուտբոլային խաղի ժամանակ մարզիչը հարվածել է հանդիպման գլխավոր մրցավարին
Տհաճ միջադեպ է տեղի ունեցել «Օլեջո-Կաստելյո» - «Կարպինյանո» (2:0) ֆուտբոլի Իտալիայի 7-րդ դիվիզիոնի խաղում:
Հյուրերի գլխավոր մարզիչ Ջովանի Ալոզին հարվածել է հանդիպման գլխավոր մրցավար Անդրեա Ֆելիսի դեմքին:
Երկրորդ խաղակեսի վերջնամասում Ջովանի Ալոզին ստացել է կարմիր քարտ, սակայն հանդերձարան ուղևորվելու փոխարեն դժգոհել է մրցավարից, այնուհետև հարվածել նրան, փոխանցում է Football Italia-ը:
Դրանից հետո գլխավոր մրցավարն ազդարարել է հանդիպման ավարտը:
Հանդիպման վերջում մարզիչը ներողություն է խնդրել իր արարքի համար և հրաժարական տվել, սակայն նրան սպասվում են լուրջ պատժամիջոցներ:
