Իսպանիայում ընթացող շախմատի Աշխարհի կանանց թիմային առաջնության 2-րդ տուրի շրջանակում Հայաստանի հավաքականը ոչ-ոքի խաղաց Ադրբեջանի ընտրանու դեմ:

Հաղթանակներ տարան Աննա Սարգսյանն ու Սուսաննա Գաբոյանը, իսկ Լիլիթ Մկրտչյանն ու Էլինա Դանիելյանը պարտություն կրեցին։

Խմբի մյուս խաղերում Ռուսաստանի հավաքականը հաղթեց Ֆրանսիայի ընտրանուն,  Հնդկաստանի հավաքականը՝ Իսպանիայի ընտրանուն:

2-րդ տուրից հետո Ռուսաստանը 4 միավորով առաջատարն է մեր խմբում, որին հաջորդում են Հայաստանի և Հնդկաստանի հավաքականները (3 միավոր)։