Հայաստանի շախմատի կանանց հավաքականն այսօր կմրցի Ադրբեջանի թիմի հետ, տեղեկացնում է ՀՀ շախմատի ֆեդերացիան։

Հայաստանը կմրցի Ադրբեջանի դեմ երկրորդ տուրում, առաջին տուրում մեր մրցակիցն է լինելու Ֆրանսիան։

Նշվում է, որ Իսպանիայի Սիտժես քաղաքում այսօր մեկնարկում է աշխարհի կանանց թիմային առաջնությունը, որին մասնակցում են աշխարհի 12 ուժեղագույն հավաքականները։

Մրցաշարին մասնակցում է Հայաստանի կանանց հավաքականը, որի կազմում հանդես են գալիս Եվրոպայի կանանց գործող չեմպիոն Էլինա Դանիելյանը, Լիլիթ Մկրտչյանը, Աննա Սարգսյանը, Սուսաննա Գաբոյանը և Սիրանուշ Ղուկասյանը։

12 թիմերը բաժանվել են 2 խմբի։ Խմբում 1-4-րդ տեղերը գրաված թիմերը նվաճում են փլեյ օֆի ուղեգրեր։ Հայաստանի հետ նույն խմբում են ընդգրկված Ռուսաստանի, Հնդկաստանի, Ադրբեջանի, Իսպանիայի և Ֆրանսիայի հավաքականները։