Մեր զինվորներից ոչ մեկին չուղարկել ոչ մի երկիր. Ժիրինովսկին դեմ է, որ ՌԴ-ն օգնի երկրներին` այդ թվում Հայաստանին
Ռուսաստանի Լիբերալ դեմոկրատական կուսակցության խմբակցության ղեկավար Վլադիմիր Ժիրինովսկին կոչ է արել դադարեցնել ցուցաբերել համակողմանի աջակցություն արտասահմանյան երկրներին ։ Խորհրդարանականի կարծիքով ՝ ճիշտ քայլը կլինի սեփական քաղաքացիներին օգնելը, հայտնում է infoteka24.ru-ն:
«Մեր երկիրն օգնել է 70 տարի ամբողջ աշխարհին։ Մեր բոլոր հարստությունները տվել ենք օտար կուսակցություններին, այլ երկրներին ։ Եվ ահա դրա դեմ ես պայքարում էի: Ահա Բելառուսը վերջին երկիրն է, որը մենք վերցրել ենք կցասայլից»,- նշում է Ժիրինովսկին։
Ժիրինովսկին կարծում է, որ դաշնակիցներին պետք է ցուցբերել «զգոն բարյացակամության» քաղաքականություն, այլ ոչ թե մարդասիրական օգնություն:
«Հայաստանին հիմա օգնում ենք ՝ Ադրբեջանի դեմ ։ Պատրաստ են ինքնաթիռները, որոնք կօգնեն սոված Աֆղանստանին: Եվ արդեն մշտապես հանդես կգանք ՝ ոչ մի գրամ պարենամթերք ոչ մի երկրում։ Ոչ մի կոպեկ ոչ մի երկիրին: Մեր զինվորներից ոչ մեկին չուղարկել ոչ մի երկիր։ Պետք է օգնել մեր քաղաքացիներին, դա ճիշտ քայլ կլինի», - եզրափակեց նա ։
