Սասուն Միքայելյանը շատ փոքր և աննշան անձ է, որին անդրադառնամ. Սուքիասյան

Հայաստանի համար այսօր պատմական օր է, և Սասուն Միքայելյանը շատ փոքր և աննշան անձ է, որին անդրադառնամ, լրագրողների հետ զրույցում ասել է Խաչատուր Սուքիասյանը, գրում է 1in.am-ը։

«Հայաստանի համար այսօր պատմական օր է։ Անկախությունը նվիրական իղձ է եղել բոլորիս համար։ Այսպիսի օրով նման շատ փոքր մարդկանցից խոսելու իմաստ էլ չկա», - ասաց Սուքիասյանը։

«Մենք պետք է ամենօրյա մեր աշխատանքով ուժեղացնենք մեր պետությունը և գնանք առաջ, իսկ մանրուքներին ուշադրություն դարձնելու դեպքում շատ կարևոր գործեր կիսատ կմնան», - նշել է նա։

Հիշեցնենք՝ ԵԿՄ նախագահ Սասուն Միքայելյանն այսօր լրագրողների հետ զրույցում ասել էր, որ Խաչատուր Սուքիասյանը շատ փոքր մարդ ա, որ Վազգեն Սագսյանին քննադատի։

«Մարդ պետք ա իր անցած ուղին, ճանապարհը, Արցախի առաջին ազատամարտից մինչև էսօր մի հատ հետ հայացք գցի իր արած գործին, նոր Վազգեն Սարգսյանին... Վազգեն Սարգսյանն այն մարդն էր, որ կարողացավ ազատագրել 8000 քկմ տարածք։ Վազգենը կարողացավ համախմբել տարբեր հայացքներ ունեցող մարդկանց և մենք կարողացանք ազատագրել Արցախը և ընդլայնել մեր երկրի սահմանները։ Եվ այն բուֆերային գոտին, որ ստեղծվել էր, ստեղծվել էր մեր խաղաղ ազգաբնակչության համար։ Նման կարգի մարդիկ շատ փոքր են, որ քննադատեն Վազգեն Սարգսյանին», - ասաց Սասուն Միքայելյանը։