Եռամսյա զորավարժանքների մասնակիցները բարձրացել են դիրքեր
Եռամսյա վարժական հավաքների մասնակիցները սեպտեմբերի 10-ին մեկնել են մարտական դիրքեր։ Այս մասին հայտնում է ՀՀ պաշտպանության նախարարությունը:
«Հրամանատարները զինծառայողներին հորդորել են լինել զգոն և պատասխանատու, խստագույնս պահպանել անվտանգության կանոնները և հավաքների նախապատրաստական փուլի ընթացքում ձեռք բերած գիտելիքները ծառայեցնել Հայրենիքի պաշտպանության գործին»,- այս մասին նշված է ՀՀ պաշտպանության նախարարության տարածած հաղորդագրության մեջ:
