Ռուսաստանը հրամանատարներ նշանակելիս հաշվի է առնում ոչ թե Ադրբեջանի, այլ Հայաստանի կարծիքը. Կոսոբոկովի նշանակումը զայրացրել է ադրբեջանցիներին

Ադրբեջանցի ընդդիմադիր լրագրող Աֆղան Մուխթարլին իր ֆեյսբուքյան էջում դժգոհություն է հայտնել Արցախում ռուս խաղաղապահների նոր հրամանատարի նշանակման կապակցությամբ:

«Լեռնային Ղարաբաղում ռուսական բազայի նոր հրամանատար է նշանակվել գեներալ-մայոր Միխայիլ Կոսոբոկովը: Նա նախկինում աշխատել է վրացական Աբխազիայում «խաղաղություն» հաստատելու համար, հենց այն ժամանակ, երբ  Ռուսաստանը ճանաչեց անջատողական աբխազական ռեժիմի «անկախությունը»: Կոսոբոկովն արդեն հանդիպել է Հայաստանի պաշտպանության նախարարի հետ: Թեև Կոսոբոկովի բազան գտնվում է Ադրբեջանում, սակայն նա սկզբում նախընտրեց հանդիպել հայ նախարարի հետ: Կարծում եմ, որ մի օր էլ նա կարող է հանդիպել Զաքիր Հասանովի հետ: Թվում է, թե Ռուսաստանը հրամանատարներ նշանակելիս հաշվի է առնում ոչ թե Ադրբեջանի, այլ Հայաստանի կարծիքը », - գրել է Մուխթարլին: