Բայդենը պարտադիր է դարձրել պատվաստումը պետական ծառայողների և աշխատակիցների համար
ԱՄՆ նախագահ Ջո Բայդենը պարտադիր է դարձրել պատվաստումը պետական ծառայողների, պետական կլինիկաների և խոշոր ընկերությունների աշխատակիցների համար: Պահանջը կանդրադառնա մոտ 100 միլիոն քաղաքացու`աշխատող ամերիկացիների երկու երրորդի վրա, հաղորդում է «Մոսկովսկի կոմսոմոլեցը»:
Մինչ այս քաղծառայողները կա՛մ պետք է պատվաստվեին, կա՛մ կանոնավոր` շաբաթը մեկ թեստ հանձնեին։ Այժմ չպատվաստված քաղծառայողներին պաշտոնանկություն է սպառնում։
Երկրի ղեկավարը նշել է, որ պարտադիր պատվաստման ենթակա են 300 հազար մանկավարժներ և 17 միլիոն բուժաշխատողներ: Բացի այդ, պարտադիր պետք է պատվաստվեն հարյուրից ավելի աշխատող ունեցող ընկերությունների աշխատակիցները։
Այս պահին Միացյալ Նահանգներում պատվաստվել է բնակչության մոտ 53 տոկոսը։
