ՏԵՍԱՆՅՈՒԹ. Ինչպես է հայկական կողմը կանխում ադրբեջանցիների առաջխաղացման փորձը Վարդենիսում
Երեկ Վարդենիսում ադրբեջանցիները փորձել են առաջխաղացում ունենալ, ինչը մեր առյուծների կողմից կանխվել է։ Այս մասին տելեգրամի իր ալիքում գրել է Միկա Բադալյանը։
«Հայ զինվորը ազգի դեմքն է, և մենք միշտ պետք է կանգնենք նրա կողքին»,- գրել է Բադալյանը։
Հիշեցնենք, որ ավելի վաղ «Հանուն հայ զինվորի» ՀԿ նախագահ, «Բանակ-ինֆո» կայքի համակարգող Դավիթ Թորոսյանը գրել էր.
«Վարդենիսի թևում տեղի ունեցածի մասին, քանի որ մանրամասներ պաշտոնական չեն ասվել, ես ՈՉ ՊԱՇՏՈՆԱԿԱՆ ԱՍԵՄ։
Վարդենիսի թևում, հիմնական երկու տեղամասում է ընթացել հրաձգային փոխհրաձգություն` Սոթքի հատվածում (հանքի ուղղությամբ դիրքերը) և Կութ գյուղի թևում(գյուղի վրա չէ դիրքերի վրա)։ Զորքը բավական հաջող պատասխան կրակով ճնշել է ադրբեջանական ակտիվությունը։
Զոհ-վիրավոր չունենք, այս պահի ունեցած ՈՉ ՊԱՇՏՈՆԱԿԱՆ ՏՎՅԱԼՆԵՐՈՎ։
Այս պահին նորմալ է, լուրջ միջադեպ չկա»։
